ప్రార్థన

జీవితం ఎంతో గొప్పది
అది మన దేశం ప్రాంతం కన్నా మిన్న
ఎందుకంటే పుట్టిన ప్రతి వాడు
నా దేశం నా మతం
అంటూ విద్వేషాలు పెంచు నీచ క్రీడలో పావులై
భగవత్స్వరూపుడైన మనిషి

అంతా నేనే అను విశ్వాత్మ కు అంశమని మురిసి
అహంకారమున అన్ని ఒలిచి
ఒకనికొకడు మిత్రత్వం మరచి
భూమిని ముక్కలుగా మలచి
నేను నా దేశం అంటూ పక్క వాళ్ళను చెరచి
భాషాద్వేషం ఉంచి
మతమను మూడ్యం పెంచి
మానవత్వం అను భావం తుడిచి
రక్తమను దాహం కాంచి
నరమేధం చేయ తలచి

మృత్యు కలెబరాలతొ నృత్యం
చేస్తూ దేవుని సందేశం అంటూ నిత్య ఘోష పెడుతూ
పరమాత్మను మలినం చేయు ముర్ఖపిపాసుల
మసి మనసుల మార్చుటకై
ప్రేమ అను చల్లని గాలి వీచి
అంధకార పంజరాన్ని విప్పి
కాంతి అనే నిజ వలయంలో స్వేచ్చ జీవులుగా
మార్చుమని ఆ సర్వేషుని సాష్టాంగ ప్రణామాలు చేస్తున్నాను