యాదికొచ్చిన
ముచ్చట్లు
___________________కృష్ణ
మణి
అంబాడ పొద్దుల్లో
ఆకలి దాటిన ఆలోచనలు
లోకాన్ని అవగతం
చేసుకొనే పరుగులో
ఆటలాడ మామ తెచ్చిన
కొమరెల్లి నాలుగుపయ్యల ఎద్దుబండి
ఆటలాడ మామ తెచ్చిన
కొమరెల్లి నాలుగుపయ్యల ఎద్దుబండి
ఇప్పటికి యాదికే
!
బండి పయ్యలు బిరబిరా
కదలంగ
నా మోకాలు
చిప్పలు నలుపుదేలె కదా
నడువరాంగ
నా ముందు బుడ్డ సైకీలు
నా ముందు బుడ్డ సైకీలు
ఉరికి ఉరికి
ఊరవతల మర్రి చెట్టుదాక నూకితి
అన్న తొక్కంగ
ఊరవతల మర్రి చెట్టుదాక నూకితి
అన్న తొక్కంగ
ఉస్కూళ్ ఎనక వడ్లోళ్ళు
పిడకలేశి పట్టాలను
కాల్చి
పట్టకారల్తోని
మీదికి లేపితే ఉండేది తమాషా
ఎర్రని పట్టామీద
సల్లని నీళ్ళు
ముంత పొక్కలకేంచి
జారి సుర్రు సుర్రు అంటుంటే
సన్న బుగమ్మను
వట్టి
మింట్రి బుగమ్మ
నోటికి ఇస్తే
తోకల్ కొరికే ఆట మంచిగనిపిస్తుండే
సన్న బుగమ్మ
యాదికొచ్చి
పాణం కలకలగావట్టే ఇప్పుడు
పాణం కలకలగావట్టే ఇప్పుడు
సీమిడి ముక్కుతోని
కిలాసులకు పొతే
మల్లయ్య సారు
తిడుతుంటే నవ్వొచ్చేది
కాని సారుకు
కోపమోచ్చేది
అర్ధం గాకపోయిన
అర్దమయ్యినట్లు తలకాయూపుడు
అర్దమయ్యినట్లు తలకాయూపుడు
ఇప్పటికి మనాదే
ఇంతుండి
మోటబాయిల ఉల్టా
డైఫులు గొడుతుంటే
రానోడు
కుల్లుతుండే
పెద్దోళ్ళు మెచ్చుతుండే
అసల్ రానోడు
గుల్గుతుండే
హాహా ... హాహా
...
ఏమో !
ఏమి యాదికొచ్చినా
మల్లోస్తయా ...
గండిపేట కాలువలకెంచి
పైపులేసుకొని తానాలు జేసే దినాలు
గండిపేట కాలువలకెంచి
పైపులేసుకొని తానాలు జేసే దినాలు
శివుని శిగల మీద
గంగ జారినట్లు
మా తల్కాయల మీద పైపునీళ్ళు జారెగదా
ఇప్పుడు లోకం పాడై
కాల్వెండి పాకూర్
వాసన లేశే !
ఇంక మస్తుగున్నయ్
ముచ్చట్లు
మల్ల యాదొస్తే
చెప్త ... ఉంటా
కృష్ణ మణి