సీదులు

సీదులు

సీదులల్ల పురుగుబూషి
నడిమిట్ల కుబుసమాట
ఒక్క పయ్య ఎడ్లబండి
వగరొగరు చిత్తల పూత
నవ్వుతున్న ల్యాత కూత

బురదతొవ్వ మడుగు మడుగు
గుండుకింద ఊటనీరు
అలుగుదాటె పర్క పిల్ల
బెకబెకలెగురులాట
ఆనపాములురుకులాట
రొకలిబండ్ల బుగులు బుగులు

ఏడవాయె కాలమంత?
ఎక్కి ఎక్కి ఏడుపులాయే
ఏడ దాగె కండ్లూసు

కనికరం లేని మనిషి కావరం
కొట్టుకపోతవురా ....గలీజు గాలిల

క్రిష్ణ మణి

చింత గింజ

చింత గింజ

________________కృష్ణ మణి

ముదురు ఎరుపూ నలుపు

చక్కనైనా మెరుపు

కుప్పలుగా రాసులు

పెంటకుప్పపై పానుపు

చినుకుని ముద్దాడగనే ప్రాణం నింపుకొని

కంపించిన గుండె

కౌగిలించుకుని ఉప్పొంగిన తనువు

పొట్ట విచ్చుకొని తొంగిచూస్తున్న పాలవేరు

తల్లి ని హత్తుకొని

ఆధారం చేసుకొని

చిగురుటాకులతో లోకానికి దండంబెడుతూ

తనను తాను పరిచయం చేసుకొనే పాదు మురిపమిప్పుడు అనిర్వచనీయం

సకల జీవులకు అక్షయపాత్ర అయ్యే మహా వృక్షమై

ఆశీర్వదించే మనసు

ఆకలికడుపుతో ఆశలు అల్లుతూ

కృష్ణ మణి