ఇట్లు

ఇట్లు ... మీ శత్రువు

____________________కృష్ణ  మణి

అవును

నేను మీ ప్రేయసిని  

నా జీవితం మీపై  ఆధారపడి ఉంది

అవును నిజంగా  

మనిషిగా మీరు తెలివైనవారు

మీ చుట్టూ మీరల్లుకున్న

అందమైన కుటీరాలు

మేడలు మిద్దెలు

ప్రేమలు ఆప్యాయతలు

మీ రక్షణనే మీకు ముఖ్యం

అందుకు ప్రకృతిని అదిమి

పసిపిల్లోడి చేతిలో బొమ్మలా

ముక్కలు ముక్కలు చేస్తారు

వీడు చేసాడని

వాడు చేసాడని

ఒకరిపై ఒకరు దుమ్మెత్తిపోస్తారు

ఆశ్చర్యం

మీరు ఆధునిక యుగానికి నాంది పలికి

ముందుకు సాగుతుంటే మురిసిపోయాను

మీ చుట్టూ చేరి

మీతో ఆడుకోవాలని ఆశతో

నిత్యం సంధ్య సమాయానికై ఎదురుచూస్తాను

మీరు తినే రకరకాలైన తిండి నాకొద్దు

మీరు తింటే నేను తిన్నట్టే

రాత్రిళ్ళు కడుపు నింపుకొని

మీ పక్కన పడుకోవాలని ఉబలాటం

నా బతుకు చాల చిన్నది మీతో పోలిస్తే

మీతో గడిపే కొన్ని రాత్రులు చాలు నా జీవితానికి

మీరు లేక నేను లేను

అంతా హాయిగా సాగుతున్న రోజులలో

నాపై ఇంత కక్ష ఎందుకు

నాపై ఇంత ద్వేషం ఎందుకు

నన్ను చంపాలనే పగేందుకు

నిజంగా నావల్ల మీకు నష్టం వస్తే

అందుకు బాధ్యత వహిస్తాను

మీరు పీల్చామన్న గాలినే పీల్చి

మీ కాళ్ళ ముందే నెల రాలుతాను

ఇంకా ఆలస్యం ఎందుకు

నా ప్రేమకు గుర్తుగా ఏమి ఇవ్వలేను

కాని ఒక్కసారి

ముద్దుపెట్టుకోనివ్వండి చాలు

ఈ జన్మకు ఇంతే అనుకుంటాను

ఉంటానూ

ప్రేమతో

మీ దోమ

కృష్ణ మణి        

నువ్వంతే

నువ్వంతే
__________________కృష్ణ మణి

వరద ఎందుకొచ్చింది  ?

నువ్వు  చెరువును చేరిస్తే
వాగును అదిమితే

బురద ఎందుకొచ్చింది ?

నీ మనసుని చెత్తతో పాటుగా
ద్రైనజి నాలాలో వేస్తె

మరి సెల్లార్లో నీళ్ళేందుకు  ఆగాయి ?

నువ్వు అధికారికి ఫ్లాట్ ఇచ్చి
కులకమన్నందుకు

నా దాహానికి అడ్డు ఎవ్వరు ?
నిజమే సమాజం అందరిదనుకుంటాము
కాని
డబ్బు కొవ్వుతో మసలే
పాయిఖాన పురుగులదని
ఇప్పుడే తెలుసింది

ఓట్లకోసం వచ్చే బిచ్చగాల్లదని
నల్ల కళ్ళ జోళ్ళ వెనక నడిచే
పిశాచాల నీడదని తెలిసింది

సిగ్గు పడరా మనిషి
నీ బతుకు
వాన నీటిలో కాగితపు పడవని
బలిసినోడి ఎంగిలి విస్తరని

ఆగు ఆగు మనిషి
నేను మనిషినే  ఈ లోకంలో
ఇలా అంటున్నానని ఏమనుకోకు
ఒక పని చేద్దాము
పక్కింటిని కూల్చేడ్డామా  !

అట్లనా !
నువ్వు మారవురా
దొంగ ****** కొడకా

కృష్ణ మణి

రంగు మొహం

రంగు మొహం
___________________క్రిష్ణ మణి

రంగులు పూసుకొని లోకం అందంగా ఉంది
మరి నీవు ఒక రంగుని అత్తుకొని
అదే నీ సర్వమని
పక్క రంగును అసహించుకుంటావెందుకు

సమస్త ప్రకృతిలో నీవొక భాగమే కాని
నీవే అంతా కాదు కదా
నీ దారే సరైనదని
నికెవరు చెప్పారు
నదులెన్ని ఉన్నా గమ్యం సంద్రమేగ

మన చుట్టూ ఉండే రంగులు
మనకు అందానిస్తాయి
ఆనందాన్నిస్తాయి

మనం పసిపిల్లలమే ఇక్కడ
కొంత తెలిసే
చాల తెలుసని
అందరిని అలుసుగా చూస్తాం

మనం స్రుష్టించుకున్న వింత ప్రపంచంలో
మనమే తెలివైన వారమనిపిస్తుంది
మనం కుదించుకున్న కట్టుబందాలలో
మనమే మిగులగము ఆకరకు

ఎమో!
మనలో మనమే గీతలుగీసుకొని
మనపై మనమే యుద్ధం చేసి
నేను గెలిచానని నువ్వు
నేనే గెలిచానని నేను
శూన్యంలోకి పయణించి
అస్తమవుతామేమో

ఒక్కమాట విను
గీతలు చెరిపి
రంగులను ప్రేమగా అత్తుకుందామా నేస్తం
జీవితగమనం నీటి బుడగంత
మధ్యలో ఎందుకింత రోత

పద పదా ....
రంగులబండి పిలుస్తుంది
ఆటలాడుకొన పసిమనసుల వలె
అలస్యమైతే ఏ రంగు దొరకదు చివర

క్రిష్ణ మణి

పట్నం

పట్నం
_________________క్రిష్ణ మణి

పట్నం మంచిగున్నది
ఎండిన పూలపై అత్తరు జల్లుకొని
బొగ్గుల కొలిమిపై దుప్పటి కప్పుకొని

చిన్న తొవ్వను
పెద్ద తొవ్వ మింగి
నలుపునద్దుకొని
తెలుపునన్నది
పట్నం మంచిగున్నది

అద్ద్దాల మేడలను
కుప్పలుగా పోషి
కంపుటర్లకు పరుగు పెట్టి
పైసలను పుట్టిస్తున్నది
మనషుల్ని నలుస్తున్నది
పట్నం మంచిగున్నది

డిస్కో లైట్ల చీకట్లలలో
చినుగుతున్న బట్టలను చూసి
పరువు తీసుకుంటూ
పరువునిలబెడతానంటున్నది
పట్నం మంచిగున్నది

ఎర్రలైటు పడగానే
పెద్ద కారు ముందు
చెయ్యి సాపి పసిపానం అకలాకలన్నది
నల్లద్దాలను కింద జరిపి
ఉరిమి జూపు సూడగానే
బెదురుబడిన చిన్న పొట్ట
కడుపెండి కూలినది
పట్నం మంచిగున్నది

ఔను చిత్రంగా
పట్నం మంచిగున్నది

వెలుగుజిలుగుల రాత్రుల నవ్వులు
మనసును ఒలలాడిస్తాయి
ఆ వెనక నిశీధిని  అనచి
అంతరాలను ఎత్తి చూపి ఎక్కిరిస్తాయి

పట్నం మంచిగున్నది
ఎండిన పూలపై అత్తరు జల్లుకొని
బొగ్గుల కొలిమిపై దుప్పటి కప్పుకొని

పట్నం మంచిగున్నది

క్రిష్ణ మణి