లోకం తీరు
___________కృష్ణ
మణి
గోళ్ళను కొరుకుతూ
కాలం గడుస్తుంది
ఎక్కడ ఫుల్
స్టాప్ ఉందొ తెలియని జీవితం
దేనికో ఆలోచన శీతాకాలం
తర్వాత ఎండాకాలం అన్నట్టు !
జరుగుతున్న
కాలాన్ని జరగనిస్తూ
అంతా గమనిస్తూనే
గమనంలో
ఎదురుచూసిన
చినుకు రాలగానే
చిగురించిన ఆకు
నవ్వింది
లోకం నావల్లే
సొగసులద్దుకుందని !
కళ తప్పిన ఇల్లు
బుడ్డది
పుట్టగానే నవ్వింది
మురిపాల జోల పాట
అమ్మనోట ఆనందంగా !
పాతగోతులను
పూడుస్తూ
మున్సిపల్ కాంట్రాక్టర్
నవ్వుతూ హడావిడి
మరో ఏడుకి ముందే
పర్మిషన్ కొరకు !
బస్సు మిస్సయిన
మిస్సు కోసం
పోరాటం
దక్కదనే ఆరాటంలో మరో
మిస్సుకు గాలం !
అప్పటికి ఇప్పటికి
ఎదో మార్పు
దప్పదని తెలిసి
కాలం పరుగు
తప్పనితిప్పల ఆశల
బతుకు సాగు !
ఇదేనా లోకం తీరు !
కృష్ణ మణి
