రావోయి రా గానగంధర్వుడా రా !
నీ పాటతో నా పాపకు ఆనంద విందుగానివ్వు
ఆ ఏడుపు ఆపు నీకు వెయ్యినూట పదహార్లు !
పాడమంటే ఎ పాటను పాడగలను
ఎంత పాడిన, రాగం ఎంత తీసిన
తల్లి లాలి పాటే పాపకు రాగామ్రుతం కాదా !
రాగం తెలియని తల్లికి పసి పిల్లల కేరింతల
మువ్వల సవ్వడే బహుమానం కాదా !
నారయనుడైన నరకాసురుడైన
లాలిపాటలో లీనమైన వారే కాదా !
అమ్మ వొడిలో సేద తీరిన వారే కాదా !
ఎన్ని పాటలు పాడిన చివరకు
జోల పాటే కాదా ఎంకన్నకు విశ్రాంతి !