___________________కృష్ణ మణి
నిన్నటి విజయానికి కారణం తను
మరి రేపటి రోజుకు కారణం ఎవరని వెతికితే
నేను కనపడను మనసున పూలు పూయించి
ఎదుట నిలబడిన మనిషికి ప్రేమ పుట్టిస్తానంటాడు !
కనే వుంటావు కరిగిన ప్రేమల గూర్చి
వినే ఉంటావు మతం పేరున మారణహోమాల గూర్చి
కన్నవారిని కడతేర్చిన విషయం
ఉన్నవూరిని మింగిన విషయం
పసిమానాలను తుంచిన విషయం
ఎడారిగా మారిన అడవుల విషయం
ఆకలి మానిన అస్తికల దృశ్యం !
ఇంకా ఉన్నాయి
నీవేరుగని కలికాలపు దౌర్భాగ్యాలు
చూద్దువుగాని రా
నీ బలమేదో చూపు
కనికరం లేని హృదయాన పుట్టించు !
కనులపండుగ గావించు
పోయేదాకా నిలబడు
కలబడి నిలుపుకో సార్ధకనామం
పోయేముందు అందించు ఆరని ప్రేమ కాగడను
వచ్చే మరో ఏడుకి !
కృష్ణ మణి