మసి చీమలు

ఎగిసిపడే అలలను ఆపలేని సత్తువలో
కష్టమనే లోకానికి దారేదైతే ఏంది ?
ఆగని కాలానికి కదలని బతుకు
ఎండిన మొద్దుకు  చిగురని ఆకు !

అడుగేసి పరిగెడితే అడివంతా ముల్లుంటే
కంపల వలలో బండలే దిక్కైతవి !

నిశీది పంచన సుడిగాలిలో
కుక్కలవలె విశ్వాసముంచి
ఆకలిదప్పులకోర్చిన మసి చీమలు !

పడిన పాట్లను పక్కన పెట్టి
ఆరని మంటల్లో కాలే కడుపులే
శివాలెత్తి పదం పాడి కదం తొక్కి
వీరతాళ్ళతో విరుచుకు పడతాయి !

భరిసెలనెత్తిన బడుగులు
బలసిన కొండల గొంతును కోయగా
నడిచోచ్చును నవీన ప్రమానత్వం సమానత్వం !