స్పష్టం

స్పష్టం

______________కృష్ణ మణి

పడుతుంది కష్టంగా అడుగు

అయినా చుట్టూ నా అస్తిత్వ పునాదులే

నన్ను మేలుకొలుపుతున్నాయి అడగడుగున !

ఇప్పుడు

ముస్తాబైన కుండలు

గండ దీపాలు

ఎందుకో కొత్తగా అనిపిస్తున్నాయి

అదెదో నేను మల్లీ పుట్టినట్లు !

నవాబుల కోటలో

అమ్మవారి జాతర

మరచిన చిన్నతనాన్ని తిరిగి పొందాను

చీకటిని దాటి వెలుగునీడను చేరినట్లు !

వేప మండల ఊపుడు

పసుపు భండారి నొసల్లు

నిమ్మకాయల దండలు

ఊగిపోవాలనే ఉత్సాహం

ఆగని ఉద్వేగం

తీన్మార్ దరువు

లయబద్దంగా డోలు తాళం !

చర్లకోలల వీరంగం  

శూలాల మెరుపు

కాలి గజ్జెల గలగలలు

ఆశీర్వచన హస్తాలు

నన్ను నేను కొత్తగ చూసుకున్నట్లు

నా చుట్టేదో వైభవం జరుగుతున్నట్లు !

ఎంత బాగుందో

నేల దుమ్ము నింగికంటే ఊపు నాదనే నిజం స్పష్టమైంది

గుడ్డివానికి ఇప్పుడే చూపోచ్చి తల్లిని గుర్తుపట్టినట్లు !

కృష్ణ మణి   

పరుగు

_________________కృష్ణ మణి

ఎందుకో
మరెందుకో
ఈ పగలు రాత్రి కోసం పరుగు
ఆగని క్షణం ఆగని వెలుగు
ఆగని లోకం ఆగని  వేగం !

ఎందుకో
మరెందుకో
అలసిన పక్షులు కూడా
దాపు దాటి గూటికి సాగుతున్నవి గుంపులుగా
లేగా దూడ కొట్టంలో ఎదురుచూపు చనుపాలకై
నిండి నిండని ఆకలి కడుపు
ఆరని దప్పిక తీరని కోరిక !

ఎందుకో
మరెందుకో
తడిసిన నేలలో ఇంకని ప్రాణం
తొందరగా పొద్దెక్కించి
తడి ఆరనివ్వక విత్తుని బతికించే ఆరాటం !

ఎందుకో
మరెందుకో
ఎండిన డొక్కల కుదురుగ నెమరుకు నీడ పరుగు
మాడే మంటలు వెచ్చగ మారి తనువును పరుపు !

ఎందుకో
మరెందుకో
మనసు పంచె మగువ మొగుని రాకకై అలక పాన్పు
మనసు దోచే మొగడు మగువ స్పర్శకై మసక  పాట్లు !

ఎందుకో
మరెందుకో

కృష్ణ మణి 

సోదరి తెలివి

________________కృష్ణ మణి

అమ్మకు బొమ్మకు తేడా తెలియని

గుడ్డిచూపుల గడ్డిపరకల అలికిడి

పర పరమని గించుకుంటూ కారుకూతల కొరివి !

అహమా ఆడబతుకున శాపమా

నిజమా నీవుకూడా ఆదమమా !

చెట్టు మారిన చిలక

గొంతు మార్చునా

ఊరిమారిన గాడిద

అరుపు మార్చునా !

సిగ్గు సిగ్గు

మరిచితివా

నీవొక పంకజ పుష్ప రేకువే కదా !

సోదరి

సోదరి పరువు అంటే నీ పరువని మరిచి

చిలువలు పలువలు పలికిన తెలివి ఎందులకో !

కృష్ణ మణి    
( IAS  అధికారిని స్మిత సబర్వాల్ పై ఔట్లుక్ ఇండియా లో మాధవి తాట గారు రాసిన హేయమైన వ్యాసాన్ని ఖండిస్తూ రాసినది )

నిరంతరం

______________కృష్ణ మణి

నిర్మలం నిరంతరం

గగనం నిత్య నూతనం

హరితం సువిశాలం

పవిత్రం ప్రాణ త్యాగం

సాహసం కర్మభూమి ఋణం !

ఉప్పొంగే రక్త వాగు నరనరాన

గర్వించే గుండె గంట ప్రతి రోశపు జీవిలోన !

పదం పదం ప్రతి పదం

కదం కదం జనం మనం !

ఎండ కాంతిని గొడుగు పట్టి

అడుగు నీటిని తోడి పోయగ

నింగి బొట్టును అదిమి పట్టి

భూతల్లికి పురుడు పోయగ

అందివచ్చును అమ్మవొడిలో

ప్రేమవోమ్పిన  నేతి ముద్ద !

కన్నుమూసిన కలలను

కన్నుగారిన రగిలిన ఓర్పు

నెరవేర్చును అంతకు మిన్న !

సంకెళ్ళను తెంచిన

యాడాది పండుగన

అమ్మా ... నీ పిల్లలమని

ఆనందపు శ్వాస నిండగ

చేతులెత్తి మా తనువు 

తలను వంచి మొక్కుతుంది !

జై తెలంగాణ ..... జై జై తెలంగాణ

జై తెలంగాణ ..... జై జై తెలంగాణ

కృష్ణ మణి 

దరి

______________కృష్ణ మణి

కొండల చుట్టూ వాగుల

వంకర టింకర ప్రయాణం

గమ్యం తలియని తడి మట్టి !

కొంత మమత

కొంత మలినం

కొంత మధురం

అన్ని సంగమించి వడగట్టిన అమృతం !

తేలికైన మనస్సులా స్వచ్చమైన గగన దృశ్యం

అడుగు చేరిన మురుగు కూడా తొంగి చూసిన నీలం !

ప్రతి ఏడు

కడిగిన ముత్యంలా లోకం

కాని

నా/నీ గుండె లోతుల్లో ముల్లపొదల్లో

ఎన్నడు పట్టునో జల్లడ

ఒకరినొకరం దరి చేర !

కృష్ణ మణి