సాలం కడియాలు
_______________కృష్ణ
మణి
చెరువు నీళ్ళల
బుడుబుంగలాడెను
కట్టమీద
కోయిలమ్మా పాడెను
గాలి ఊపుడుకి ఊరవిచ్చుకలు
ఊగి ఊగి అరిసెను
అ కొంగ రెక్క
ఆ గొల్లబామ
ఆ మిడుత అరుపుని
విని తిరిగరిసే కొండగుట్టలు సూడు !
కొంగునడుముకు
సుట్టి సీరెత్తి కట్టి
బుజాన నారుకట్టలనెత్తి
గెంటీలు ఊగంగ
కడియాలు మెరువంగ
ఒరాల మీద
నాట్యమాడేను సూడు ఆ పాటలమ్మలు !
కష్టమే నవ్వే
చెమట ఆరే సోట
కన్నులు మురుసే
పచ్చగ ఎదిగిన పంట
వెచ్చని గువ్వలు
మచ్చిగయిన యాల
పడమటి
దిక్కున సూరిడొరిగిన మాపు
ఇల్లుజేరెను సూడు
అలసిన ముచ్చట్లు !
ఎదురుసూపుల పిల్ల
ఆకలి డొక్కలు
తల్లడిల్లిన
తల్లి
పోయ్యిదించిన
బువ్వ
మామిడితొక్కు
కమ్మటి పులుపు
నవ్వితూ కూన కునుకు
తీసేను సూడు
ఆలుమోగలను సూస్తే
అల్లుకున్నా జడదండ
అల్లుకున్నా జడదండ
అల్లుకున్నా
జడదండ ....!
కృష్ణ మణి