_______________కృష్ణ మణి
చలికి వణుకుతూ కుంపటిని ఎతికినట్లు
చలిని వెతుకుతూ మండే కన్నుల ఆరాటం !
రోడ్డెక్కిన సల్ల కడవ
పూదీనాకులను పులుముకొని
ఎర్రని చీరను సింగారించుకొని
దాహపు చూపులను సైగ చేస్తుంది !
ఎటు చూడు అగ్నిగుండాల సెగల పరుగు
చెట్టుదాపును ఎక్కిరిస్తుంది
పడుతూ లేస్తున్న ఆ చిట్టి దూడ
ఏమి అవుతుందో అర్ధం కాక నాలుకను బయటికేసింది !
ఆ టీ కాఫీల మిషను
పక్కన ఇసుక్రీం షాప్ పై అలకబూనింది
కొబ్బరి కొట్టు కాలరేగుస్తూ
ఎప్పటికీ రారాజునంటుంది !
తుస్సి గ్రేట్ హో.... లస్సి
ఫాలుదాలో సబ్జా గింజలు
పళ్ళ సందుల్లో జారిపోతూ నవ్వుతున్నాయి !
మజ్జిగ చెరుకుపాలు
ఆగమని ఆజ్ఞాపిస్తున్నాయి
గుక్కదిగితే చాలు
ఒక్కసారిగా ప్రాణం లేచోచ్చినట్లనిపిస్తుంది !
ఇంకెన్నాల్లో ఈ ప్రచండభానుడి కోపం !
కృష్ణ మణి