నా ధోరణి
_______________కృష్ణ మణి
ఏమయ్యింది
నాలో ఇంతలా కొత్త ప్రవాహం
అలుగు దాటి వరదై
ఆలోచనా పొంగు పారుతున్నది
ఆ ధోరణి
పచ్చటి పంటలకు
చల్లటి సమాజానికి
వెచ్చటి ప్రణయానికి
ఎర్రటి అడవిబాటకి
కమ్మటి తెలుగుకి అండగా ఉంటూ
హాయిగా సాగుతూ
తుళ్ళుతూ లేస్తూ
గట్టిగా పొడుస్తూ
మెత్తగా తాకుతూ
చిక్కగా కారుతూ
కొంటెగా నవ్వుతూ
ఆవేశానికి ఆదిగా
ఆవేదనకు ఓదార్పుగా
రాజ్యానికి మెండుగా
ఆప్యాయతకు ఆలంబనగా ఉండాలని కోరుతూ
సదా మీ ఆప్తుడు
కృష్ణ మణి