‘’మన్ కి’’ బాత్

_____________________కృష్ణ మణి

సూర్యునికై ఎదురుచూపు ఆ చీకటి కోనకి

వస్తాడని వెలుగు నింపి కళ్ళ ముందు దారి కనపిస్తుందని

ఆలోచన సుడిగుండాలలో పగటి కలలో తోశాడు !

పాపం భానుడికి పక్షపాతం 

పక్షవాతంతో ఉన్న లోకాన్ని చూసి చిన్న చూపు

ఈ గడియలు ఉత్తర దృవం నాకు దగ్గరగా ఉంది

దక్షణ దృవం చీకట్లో ఉండాలని శాశనం జేశావు !

కొండపైన ఉండే స్వార్ధానికి వెచ్చని వెలుగు పంచి

కొండ కింద చీకటి ఉంచి

కొండెక్కించను కాని కొండెక్కండని

కాళ్ళను నరికి దీనుల జేశావు !

నీవే దిక్కని మొక్కితే 

మొక్కులు తీర్చుకోమని దిక్కులేని లోకాన్ని దిక్కున్న చోట

చెప్పుకోమని ‘’మన్ కి’’ బాత్ చెప్పి  

దీనులకి దీపం గతి అని

అర్దరాత్రికే నూనెను దూరం జేశావు !

నీ వెలుగు చుట్టూ పురుగుల జూసి  

అదే బలమని అహంకారామా దీపమా

మరిచితివా నీలో మాడే ఒత్తి మీమేనని అది నువ్వేనని !

కృష్ణ మణి I 01-03-2015