తోపుడుబండి
__________________కృష్ణ మణి
భూమ్మీదికి
ఆకాశన చుక్కల్ని దించడానికి గాలం
ఒక్కో చుక్కను పట్టి
నాలుగు చక్రాల రథంలో కూర్చోబెట్టి
అక్షరాల ఆకలి గల వారి మనసును తడుపుతున్నాడు
సారధి సాదిక్ భాయ్
దండయాత్ర చేస్తున్నాడు
చీకటిని తరిమే కవిత దివిటీలను చేతబూని
ఆరిన కాగడాలను వెలిగిస్తూ
పోగేస్తున్నాడు సారథులను
గెలిపే లక్షంగా !
లోకం గర్వంగా చూస్తుంది తనకేసి
కాని తనేంటో తెలియని లోకాన్ని కూడా ఆప్యాయంగా చూస్తున్నాడు
నలిగిన గులాబిని అరచేతిలో ఉంచి ముద్దాడినట్లు !
కవిత్వం మలినాన్ని కడుగుతుందని
రథం నిండా ప్రేమ వొంపే ఆయుధాలను
మనిషిని ఓదార్చే పరిమళాలను నింపు కుంటూ
సంధించే కొద్ది పెరుగుతున్న అక్షర భాండాగారాన్ని
విజయానికి తోలిమెట్లుగా మలుచుకుంటున్న సహృదయ వీరుడు ఈ గజినీ !
అతని ధైర్యానికి ఒక సలాం
దార్శనికతకు ఒక సలాం
యుద్దానికి ఒక సలాం
‘’తోపుడు బండి’’ రథానికి ఒక సలాం
కృష్ణ మణి
No comments:
Post a Comment