ఆకలి భోగం

_______________కృష్ణ మణి

గుడిసెగాలుతుంటే సుట్టకు నిప్పడిగాడంట ఎనికటికి

ఏమి చిత్రమో గదా ఈ నక్కజిత్తు నాగులకు

ఊరు చెరువెండి జనమంతా అయ్యో రామచంద్ర అంటే

ఏటినబడే చచ్చు చేపలు మాకిమ్మని అడుగుతే ఎట్లరా దొరబాబులు !

రాజు దర్పానికి లేనిగతిన భూమిని చెరబడితే

రాజు దాసులం రాజ్యం హక్కని

మడుగున అడుగును కూడా అదిమేస్తే ఎట్లరా బాబులు !

ఆనాడు విడిపడే వేళ త్యాగానికి మారుపెరులమంటిరే

ఈనాడు పక్కొని నవ్వుజూసి ఆగని ఏడుపున ఆరాటమెందులకు

జన్మభుమికోసం ఆరుమాసాలు శ్రమదానం చెయ్యలేరా బుద్ధిజీవులు !

కష్టాల కడలిని ఈదే రాజుకూడా డాంబికాలకు పరిగెత్తి

కరువున కాపాడుమని వినతి జేస్తూ

కనికరంలేని కసాయులకు తోడిపెడితే ఎట్లా !

భుజం దించి వీరులు అలిగిన మొహాన చెట్టునేక్కితే

యుద్ధం ఆదిలోనే అంతమయ్యి

రాజ్యం పెద్దభోజల ఆకలౌతదేమో మరి !     

కృష్ణ మణి I 10-02-2015