తమ్ముడా

_______________కృష్ణ మణి

ఏమిరా తమ్మి

ఇట్ల జెయ్యబడితివి

నీకు అన్నమెట్ల పోతుందిరా కడుపుకు !

కంటివి పిల్లల్ని పందుల్ని కన్నట్లు

మరి ఆలకు పూటకు తిండెట్ల సదువెట్ల

నువ్వేమో తెల్లారంగనే దిక్కులవడితివి

తెరవక ముందే కంపొండు కాడికి !

పెడ్లం చేస్తది కష్టం

నోటికి వెట్టె యాలకు దిగబడుతవు  సోయిదప్పి

కష్టాల కడలికి తిండెట్ల పోతది

నీ పిల్లల బతుకెట్లరా తమ్మి !

డొక్కలకంటిన తోలును జూసి కన్నొల్లు కలకలమనిరి

కన్నది కష్టాలపాలు జేయ్యనికెనా అని

చెప్తె ఇనవు చెడిపోయినోడ నీకు సావన్న రాదురా !

అయ్య జచ్చి అమ్మ కొడుకా ఆకలంటే

ఉన్న గుంటను అమ్ముకొని గుడిముంగల చిప్పవడితివి

నీకు సిగ్గు శరం పోయ్యలేడా ఆ దేవుడు !

  

అగసూడు తల్లిని గోకుతున్నారు

పక్కొని పిల్లల జూసి జాతర్ల బొమ్మలని

కన్నుగారవట్టేకదరా అమ్మ కడుపుకాలవట్టేకదరా !

చెట్లకింద కాపురమయితదిరా తమ్ముడా

లేశి లోకం సూడు

నీ పిల్లల డొక్కలు సూడు

ఇప్పుడన్న మారురా ఎంకసీరికి మారిన మిగలరు !

కృష్ణ మణి I 23-02-2015