నగరం

____________________కృష్ణ మణి

అదో సుందర నగరం

ఆకాశంలోని చుక్కలు నెలకు దిగిన వైనం

ఎటు చూడు పచ్చటి ఆకుల నడుమ ఇంద్రధనుస్సు వర్ణాలు

అభిషేకానికి నిండుగా పొదుగుతున్నవి !

అడుగు అడుగున మడుగులలో

తీరొక్క రంగు చేపలు జలకాలాడుతూ 

వెచ్చని తనువును మురిపెంగా సపర్యలు చెయ్య

మిల మిలమను కన్నులతో పలకరిస్తున్నవి !

కోయిలమ్మలు ఇంపగు రాగాలతో

వసంతాలాపన చేస్తు మత్తును జల్లుతూ  

నెమల్లు సరిరారు మాకేవ్వరు అంటు లోకం మెచ్చేలా  

నయనానంద వర్ణాలతో ఉల్లాసంగా నర్తిస్తున్నవి !

జింకలు కుందేళ్ళు తమ అల్లరి గెంతులతో

కనులకు విందుగొలుపుతూ  

రామచిలుకలు సీతాకోకచిలుకలు గుంపులుగా చేరి

ఎటుచూడు ఆహ్లాదం నింపుతున్నవి !

నా మది నగరం నిండుగా తొలికె పాల కడవలా ముస్తాబై

ఏలే మహారాణి ఎవరని ప్రతి క్షణం

కనుల ముందు కలయాడె పాదాలలో వెతుకుతూ

తామరాకు గుణంలాంటి పాదానికై పరితపిస్తుంది !

కృష్ణ మణి  I 31-01-2015