అతుకుల బొంతలు

అతుకుల బొంతలు

____________________కృష్ణ మణి

చిగురు తొడిగిన ఆకుల వింత పరిమళం

ఎదో మరచిన జ్ఞాపకాలను నిదురలేపుతుంది 

చిటపట నిప్పుల సెగలో వేగిన మక్కబుట్టలు

బాటసారికి ఆకలి మంటను పుట్టిస్తున్నాయి !

మురుగు పారి స్నానమాడిన డాంబరు నేల

నడకకు కొత్త ఊపు తెచ్చింది !

ప్లాస్టీకు కవరు తొడిగిన అద్దె గుడిసెలో బిక్క బతుకులు 

చుక్క రాలితే బాగుండని ఒక పక్క

చుక్క రాలితే సందులోంచి నింగి ఎక్కిరింతల నవ్వులు మరో పక్క !

ఈ రాత్రి గడవనని కునుకు పట్టని ఆకలి గుండెల తొక్కిసలాటల !

నడి బాజారున తడిసిన కూరల కుప్పలు

పొద్దు దిగినా  పొద్దు దిగని దిగులు దిక్కులు

పారే పాయలో తేలె కాగితపు నౌక

అడ్డుతగిలిన కర్రముక్కను ముద్దాడింది

వరద పెరిగి విడి పడిన క్షణకాలపు ప్రేమలు !

వలచిన నగరం మరచిన తరుణం

పొట్ట కూటి కోలాటాలకు వేదికై

చినుకుతో చింతలు తీర్చి

వరదతో నరక ద్వారాలను తెరిచింది !

కృష్ణ మణి  I 16-08-2014