దిక్కుల మొక్కులు

దిక్కుల మొక్కులు

___________________కృష్ణ మణి

ఏం పరిశాన్ల కుసున్నవ్ పాపన్న

మొగులు మీద ఆగమయిన నల్ల తెప్పల కోసమా

నీటి సుక్క కోసం నీల్లెని బాయిల నిలవడ్డట్లుంది కదే !

అరిగోస వేట్టవట్టే ఈ త్యాప వాన దేవుడు

ఏడ సూడు కన్లళ్ళ ఎడారి తోవ్వలె కన్పిస్తున్నై

ఏడ సూడు దుక్కిల నోర్లు తెరిసిన పర్రెలు

ఎండల వెట్టిన ఒట్టి శాపలోలె !

మోల్కవట్టని పత్తిత్తులు ఎండిపోయిన ఒరి నారు

మడిమలల్ల పర్రెలిడిశిన  ఒరంమీది పాదాలు

బొక్కలకంటిన డొక్కలు దూపదీరని కోపాలు

బురద దేలిన బొందలల్ల బతుకుతిప్పల శాపాలు !

కప్పల పెండ్లిళ్ళు

ఇంగలాల గుండాలు

చెయ్యి జాపిన నమాజులు  

కండ్లు మూసిన గంగ కోసం నోర్లు తెరిశిన దిక్కులు

పచ్చ చద్దరు దాపు కోసం కోటి దుక్కుల మొక్కులు !  

ఇంకేప్పుడే పాపన్న ?

   

కృష్ణ మణి I 05-07-2014