చినుకు

చినుకు

చినుకు రాలే ప్రకృతి పాట పాడే

పురి విప్పి చిందులేసే గగనమైన చుక్క కంట తడిపే

పడిలేచిన వాగుల గెంతులాడే పురుగు పుట్టా  

దూపదీరని మట్టి నేడు మరిమలాల మత్తు జల్లే !

పొట్ట పగిలి వేరు అంటి ఆకు జోడు తొంగి చూసే

ఎండిన ఈపు మీది బురద జారి కాంతులాడే

కన్ను కారిన జీవితాన కన్న కలలే నేల మొలిచే

కారు మబ్బుల జాతరలో లోకమంతా మురుసిపాయే !

గొడ్డుగోదా ఒళ్ళు మరిచి  చింత దీరి హాయి పొందే 

కొండగుట్ట నీరు అంటి పచ్చ రంగు ఒంట బట్టే

చెట్టుచేమ నిండుకొని చిగురుటాకులు నవ్వులాడే

ఊరువాడ నాగలెత్తి సాలు గీషి విత్తు పెట్టె !

ప్రతి ఏడూ ఈ పొద్దులు జరుగునిక జాతరే

ప్రతి మదిలో పులకరింత ప్రకృతి పాదం మోపేనే !    

 

కృష్ణ మణి I 09-07-2014