సాగరం
______________________కృష్ణ మణి
ఆకాశపు అంచున ఆరేసిన కొంగుపై
మెరిసే కాన్తులెన్నో చూసివద్దామా నేస్తం
చెదిరిన మనసున చీకటి కుంపటిలో
మిణుగురులని వదిలి వద్దామా !
కమిలిన చోట తెల్లని కణాలను ఇచ్చి
మత్తున నిద్రపుచ్చి వద్దామా నేస్తం
గతాల గుద్దులాటలో గతించిన ప్రేమ గుర్తులను
గుర్తు చేసి గుదిబండలను జరిపి వద్దామా !
ఎంతకాలం ఇలా గీతలనడుమ గోతుల తీసి గోడల కట్టడం ?
నడువు లోకాన్ని కలుపుతూ కొత్త దారిలో
నేలపై గీతలను నీటిపై రాతలుగా మార్చుదాం
దింపుదాము అందరిని చేపలుగా తలచి
హద్దులేని ప్రేమసాగరంలో తారతమ్యాలు చెరిపి !
No comments:
Post a Comment