జాగ్రత్త

జాగ్రత్త

____________________కృష్ణ మణి

నిను మొదటిసారి అమ్మ ఒడిలో చూసిన క్షణం

నేపొందిన ఆనందం చెప్పలేనురా

బుడి బుడి నడకల మెత్తటి పాదాలు నా యదపై ఆడగా

దూది పింజలతో కలిసి నా మనసు విహరించిందిరా !

నా వేలు పట్టుకొని నడుస్తుంటే

నలుగురు నను హీర్షగా చూడగా నా కొడుకని గర్వంగా నడిచాను

నువు హోంవర్క్ చేస్తుంటే నా చిన్నతనంలో

పలకపై అక్షరాలు దిద్దిన రోజులు గుర్తుకొచ్చేవి !

బ్యాట్ పట్టుకొని పరిగెడుతుంటే గిల్లి దాoడు

క్యారం బోర్డ్ ఆడుతుంటే అష్టాచెమ్మ ఇంకా చాలానే .....

నీ తుంటరి తప్పులు నా జ్ఞాపకాలను నెమరేసివి

తల్లి లేని కొడుకని గారభమనుకుంటా

అందుకే పెద్దవాడివయ్యాక నీ జీవితం నీకే వదిలేశా  !

నచ్చిన అమ్మాయిని కోడలిగా చూపించావు  ఆశీర్వదించాను

నీ కళ్ళ ముందు ఇక నేను లేను కాని

నా మనవరాలులో మీ అమ్మను చూసానురా జాగ్రత్త  !

కృష్ణ మణి I 26-06-2014