కొత్త కాంతి
_____________________కృష్ణ మణి
పిడుగుల శబ్దానికి పిట్టలెగిరే
గాలి హోరులో చీమలదిరే
చినుకు తగిలి లేడికన్నుకు వణుకు పుట్టే
పులుల పన్నుకేమో తిండి దొరకక బిక్కుమనే !
ఆకులన్నీ పచ్చకాంతితో నవ్వులాడే
ఆకు చాటు రామచిలుకలు ఆటలాడే
మబ్బు చాటు భానుడేమో మసకబారే
పురుగుపుట్టా లేచి నిలబడి పరుగుపెట్టే !
వాగు వంక బురద నీటితో స్నానమాడే
ఇల్లుపెరిగి చేప పిల్లల కొత్త కాంతుల అలికిడి
చల్లని గాలిలో పక్షుల ఆరాట కోలాటాలు
గోదాముల నింపి అలసిన చీమల విరామాలు !
మిడుతల మిట మిట
కప్పల బెక బెక
పాముల బుస బుస
ప్రకృతి కొత్త రూపుఒడిలో
కిల కిల నవ్వుతో మెరిసే జీవనాదం !
కృష్ణ మణి
No comments:
Post a Comment