ఇంకోటి లేదు

***********

ఒక చెట్టులో దాగి చూసా

పక్కవాడి కడుపు నింపడంలో ఉన్న సుఖం ఇంకోటి లేదు !

కోతిలో చేరి  చూసా

కొమ్మలంచులో ఊగే సుఖం ఇంకోటి లేదు !

ఒక పాములో దిగి చూసా

ఒళ్ళు చుట్టుకొని మత్తున పండే సుఖం ఇంకోటి లేదు !

ఒక పక్షిలో ఎగిరి చూసా

లోకాన్ని చిన్నగా చూసి మురిసే సుఖం ఇంకోటి లేదు !

సాగరంలో మునిగి చూసా

సాధ్యమైనంత ఎక్కువగా ఒదగడంలో ఉన్న సుఖం ఇంకోటి లేదు !

ఒక పందిలో ప్రవేశించి చూసాను

బురదలో ఉన్న సుఖం ఇంకోటి లేదు !

చివర ......మనషిలో తొంగి చూసా

పక్కవాడిని తొక్కడంలో ఉన్న సుఖం ఇంకోటి లేదు !

కృష్ణ మణి  I 19-04-2014