*********
చెదరని నవ్వుల చెరువు గట్టు
నీ అడుగులని గుర్తు చేసి మూలుగుతుంది
నీ చూపు తగలక అడవి అద్దం నిదుర పోయింది
నీ స్పర్శ కోసం ఆ గడ్డి మొదలు ఎదురుచూస్తుంది !
నీ ఒడిలో ఆడ
అలసిన డొక్కల లేడి మందల గెంతులు
ఎటు చూడు అల్లల్లాడుతున్నదప్పిక గొంతులు
నీ మెరుపు మెరవక
ఏటి ఒడ్డున పక్షి గుంపుల ఆకలి తిప్పలు
రాత్రి పగలు తేడా తెలియక
కన్ను ఆర్పని ఎండిన చేపలు
నీ వయ్యారలను చూపిస్తూ
ఆ వాగులు గీసిన బొమ్మలెన్నో !
అగ్గిగుండంలో మోడువారిన మొద్దుల మూగనాదాలు !
అందం చెదిరి కొండల కోనల గుంతకనుల దిక్కులు !
అధరం పగిలి కారని నెత్తుటి మాడిన దుక్కులు !
కృష్ణ మణి I 13-03-2014
No comments:
Post a Comment