**************
పొద్దిమీకింది
కష్టంలో మునిగి తేలిన మసి పువ్వులు
పక్కూరు అంగట్ల గుమ్మిగూడిన్రు
భుజమ్మీద సంటిది
సంకనెక్కిన సంటోడు !
బ్యారమాడుకుంటా బస్తనింపిన ఆలుమోగలు
పోరగాల్ల చేత్తుల్ల శనగ పొట్లాలు
అలిగిన పెండ్లానికి సీస కల్లు తెల్ల మురుకు
దూపదించి తోవ్వవట్టే నల్ల కుసుమాలు !
పరాషకాల బెరుకు మాటల సింగారాలు
కయ్యమాడిన రామచిలుకల బతిమి రాగాలు
గుడిశె మూషి ఒళ్ళు మర్శి
మల్ల దినానికి తొంగి సూపులు !
కృష్ణ మణి I 04-04-2014
No comments:
Post a Comment