********
కాలువవతల నేను నా బర్లు
వానలకు మొలిశింది లేత గడ్డి
తలకాయల్లేపని మూగమనసులు
చిగురు కొయ్య చింత చెట్టు కొమ్మల్లో నేను !
కూరకు శల్లల మూటగట్టి
కడుపు నింపితి
తీపి పులుపుల సంగమం
ఒగరు నిండిన నోరు
అంతలనే యదకొచ్చిన బర్రె అరుపు
పరుగుబెట్టె దున్నపోతు కోసం !
అర్ధం కాని పెండకడోన్ని
దమ్మువట్టి ఎంటవడితి పత్త దెల్వక పరిషానైతి
అయ్య యాదికొచ్చి కండ్లు కారవట్టే
దెంకబోయిన బర్రె తోడ ఇంటికి రాకపోతే ఈప్బలుగుతదని
!
ఏమిజేతు ఎట్లజేతూ అని గుండుమీద ఎడువవాడితి
బాలి తాత నవ్వవట్టే నన్ను జూసి
ఏమిరా పిల్లగా నీ బర్రె జోరుమీదుందని
ఎక్కిల్లనాపి ఎడుందని అడిగితె జెప్పె
పక్కూరి మందల తోడుగడుతుందని !
కృష్ణ మణి I 25-04-2014
No comments:
Post a Comment