పక్కోడి కళ్ళలో కష్టాల్ని చూసాను
అవి నాకేసి నవ్వుతున్నాయి
నాకున్న వాటితో పోల్చితే ఇంకా పెద్దవని అహం !
నా అంత దురదృష్టవంతుడులేడనే నేను
పక్కవాడిని ఓదార్చి
అదృష్టవంతున్నని మురిసిపోయాను !
చిరిగిన బట్టల్లో నలిగిన మనసులు
పురుగుల మందులతో పార్టి చేసుకొనే మొనగాళ్ళు
పుస్తకాల చెలికాడి పిచ్చి ముదిరిన మాటలు
పెంటకుప్పలపై పసికూనల కూతలు !
చిల్లర దక్కని బిచ్చగాడి బిక్క చూపులు
సిగ్నల్ పడ్డా అమ్ముడుపోని జాతర
పట్ట పగలైనా ఖాళి కాని ఇడ్లి గిన్నెలు
స్కూల్ గేటు పక్కన ఎండిన సంత్రాలు !
ఎత్తైన భవనంపై అలసిన ఇసుక సంచులు
ఫారిన్ బూట్లకు కుట్లు వెయ్యలేని సూది
తిరగని చక్రం కదలని కుండలు
బొగ్గుల కొలిమిలో నిండిన దుమ్ము !
కష్టానికే కడుపోస్తే పుట్టేది ఏంది ?
కృష్ణ మణి
No comments:
Post a Comment