అక్షర సమిధ

***********

అక్షర సమిధను

నే ఓటమి ఎరుగని ఆయుధాన్ని

ఆకాశానికి భూమి పైన మెరిసే చుక్కను

నిరంతరం జన ఘోషకు ప్రతిద్వనిని

జన జాతరలో ఉద్యమ పాటను !

పగిలిన గుండెల రూపుకు ప్రతిరూపాన్ని

కమ్మరి కొలిమిలో బొగ్గుల క్రింది గాలి తిత్తిని

రాజ్యహింసను అనుచుటకు లేచిన ఉగ్రకెరటాన్ని

జనుల కన్నీళ్ళ తుడువ మెత్తటి గుడ్డను

చీకటి నడకల తెల్లటి చొక్కాలపై సిరా మరకను !

బలసిన దున్నల ఎటకారపు ఓరకంట చూపుకు

వేటగాడి చేతిలో బాణాన్ని

శూలంల గుచ్చుకుంటా !

నున్ను ఆర్పే సాహాసం చేసే రాజకీయ కీచకుల్లారా

మీ ఊపిరితిత్తుల స్పంజులు పగులుతాయి జాగ్రత్తా !

మీ భోగం క్షణికం

నా వెలుగు

నిత్యం

సత్యం

అనంతం

నిరంతరం

మీ  అంతం తప్పదు !

నా వెలుగు తాకని చీకేటి ఎక్కడా ?

లోకం చూపును ఆపే బలమేక్కడ ?

నేనొక అక్షర సమిధను !

కృష్ణ మణి I 24-03-2014