బంగారం
___________________కృష్ణ మణి
నీ చిట్టి చేతులు మృదువుగా
నా చెంపలను తాకగా
పగలు రాత్రి తేడా తెలియక
అన్ని పనులు మానుకొని నీతోనే గడపాలనుంది బంగారం !
అలసిన తనువుతో ఇల్లు చేరిన నాకు
నీ బోసినవ్వుతో ‘’ డాయి ‘’ అంటుంటే
మనసు తెలీకై
ఆక్సిజన్ అందిన పేషంట్ అవుతాను బంగారం !
బంగారం నీకు తెలియదు
నా జీవితంలో ఎదుర్కున్న ఇబ్బందులు
అందుకే నీకెలాంటి లోటు రావొద్దని తాపత్రయం !
అప్పుడప్పుడు నువ్వు
తడి తడిగా అర్ధం కాని సైగలతో మా మెదడుకు పదును పెడుతుంటే
భలే ముద్దోస్తావు బంగారం !
నిత్యం నీ నవ్వుల పూదోటలో
పసి పిల్లల్ని చేసి ఆడిస్తున్నావు తెలుసా
నీ పసిపాదం గుండెలపై ఆడుతూ
మమ్మల్ని ఊయ్యల్లో ఊపుతున్నావు బంగారం !
మీ అమ్మ వ్రతం చేసింది
బంగారంలాంటి బొమ్మను ఇమ్మని
ఇప్పుడు ఇల్లంతా సందడి
విరిసిన పువ్వుల తోటలా !
కృష్ణ మణి
No comments:
Post a Comment