పీర్ల పండుగ
____________కృష్ణ
మణి
నాకు హసన్
హుస్సేన్లు తెల్వరు
మెరుపు రంగుల పీర్ల
పండుగ తెల్సు
మలీజ ముద్దల
మాధుర్యం
చెక్కరి ఫతేహ లో
గులాబ్ రెక్కల ఖుష్బూ తెల్సు
పీర్ల కొట్టం ల
పడుకున్న పీర్లను లేపడం
దాల్చా బాగహార
వంటలో ఉన్న కమ్మదనం
ఊదివత్తులతోడ
నివేదనం
గల్లి గల్లి
తిరిగే పీర్సాబు శిగం తెల్సు
డప్పు దరువులో
ఊగే జనాల బాదలు తెల్సు
గూడునొదిలిన
పల్లె బతుకుల ఆకలి తెల్సు
ఇంగలాల మీద
కష్టాల పరుగులు తెల్సు
ఏ దేవుడైతే
నాకెందుకనే పసిమనసుల ఆక్రందన తెల్సు
ఆక్రందన తెల్సు
ఆక్రందన తెల్సు !
కృష్ణ మణి
No comments:
Post a Comment