నింగి కూతురు
_________________కృష్ణ మణి
నింగి
తొమ్మిదిమాసాల గర్భాన్ని భరించలేక
ఇప్పుడో అప్పుడో అంటూ ప్రసవ వేదనను పిడుగుల రూపంలో మెరుస్తుంది
ప్రసవిస్తున్న మూడు మాసాల సమయం ఎంత గుమ్ముగా ఉంటుందో
గంప దించుకొన్న తల్లిలా !
స్రవించిన చినుకు
భూ వొడిని చేరి
హత్తుకొని ప్రేమను కలుపుకొని
కమ్మగా సాగుతుంది
ఎటుసాగిన ఆప్యాయత తగ్గని నడక !
వేరునంటి
చెట్టు పచ్చని నవ్వులో భాగం
జీవి కడుపు నింపి తీర్చును దాహం !
అడుగంటిన చెరువులో చేపల అలసటను తీర్చి
చుట్టూ ఉన్న జీవకోటి పంచభక్ష పరమన్నాల నివేదనం !
నిజమే నీరు నింగికి కూతురే !
కృష్ణ మణి
No comments:
Post a Comment