రక్ష
____________కృష్ణ మణి
నాకెందుకో రహీమ్కు పీటర్కు కట్టాలని ఉంది
ప్రేమలో ముంచిన ఒక రక్షణ రేకును !
శతాబ్దాలుగా ఈ మట్టి
కలుపుకొని పోతుంది
పరాయిలను బేదాలు తుడిచి !
ఈ మట్టిపై విరిసిన కొత్త రంగుపూలు
నయనానందకరంగా ప్రపంచాన్ని
కన్నుకుట్టుకొనేల చేస్తున్నాయి !
కనుపొరలలో ఎదో నలతొకటి ఉందేమో
మన రాజకీయ క్రీడలో ఒలంపిక్స్ ప్లేయర్స్ కి
తమ ఉనికి కోసం నిత్యం దొంగ చూపే
ఎక్కడ జారుతామోనని
పక్కవాన్ని తొక్కుతారు !
వరదకు అడ్డుగా ఎంతని కుప్పలు పోసినా
ఈ ప్రేమ ఉప్పెనై లేస్తుంది
అప్పుడు మనలో మనం
ఒకరినొకరం కొత్తగా చూసుకుంటాము తడసిన మనసుతో !
కలుసుందామని కలలు కని చూడు
ఈ మనషులు విరిసిన కలువ పూలే
సున్నితంగా ఒక నవ్వు నవ్వి చూడు
తిరిగి పొందుదువు ఎల్లలులేని మానవత్వాన్ని !
రోజాకు ముళ్ళు రక్షణ ఐనట్టు
నీవు నాకు
నేను నీకు
మనమంతా ఈ మట్టికి రక్ష !
కృష్ణ మణి
No comments:
Post a Comment