చేరాలని తపన
____________కృష్ణ మణి
నన్ను నేనే మరచితి
నీ కోసం వేచి వేచి చూసి చూసి
కండ్లు లాగి ఎర్రబడ్డాయి !
అటు ఇటుగా చూసాను
ఒక పింక్ ని
ఒక ఎల్లో ని
ఒక రెడ్ ని
ఒక బ్లూ ని
పట్టి పట్టి చూసాను
నీవేనేమోనని !
ఇక్కడ చాలామంది నాలానే
ఎవరి కోసమో ఎదురుచూపులు
వెతుకులాటలు
కొందరు గుంపులుగా
చిన్న పెద్ద తారమమ్యం లేదు
అందరూ కలుస్తున్నారు
కలియబడి అలా సాగుతున్నారు
చూస్తుంటే నవ్వొస్తుంది !
వాళ్ళంతా ఎటెల్తున్నారో తెలుస్తుంది
ముందే అడిగితె నొచ్చుకుంటారని ఫీలింగ్ !
నీకై ఎంతని ఉండను ఇక్కడ
ఎంత కోపమో నీపై
అలగాలని ఉంది కాని చేరాలని తపన !
నిమిషాలు నిశబ్దంగా యుగాలను తలపిస్తున్నాయి
ఓపిక నశించి
ఏదైనా తాగాలని దాహం
నీవొస్తే మిస్సవుతానని గుబులు !
నాకై నువ్వనీ
నీకై ఎక్కువసేపు ఆగలేను
లేకుంటే గమ్యం లేదని స్పష్టం !
మొత్తానికి వచ్చావు
ఊపిరితీసుకొని శాంతపడ్డాను
నీపై ఎక్కి కోర్చోని
కండక్టర్ కి చిల్లరిచ్చి టికెట్ కొనుకున్నాను ఓపిగ్గా...!
కృష్ణ మణి
No comments:
Post a Comment