అనుభవం

_____________________కృష్ణ మణి

మనిషిని ముందుకు తీసుకుపోతుంది

జీవితాన్నే మార్చేస్తుంది

అనుభవం నడకను నేర్పుతుంది

అదే కాలాన్ని మారుస్తుంది !

భయాన్ని పుట్టించి గమ్యాన్ని తెలుపుతుంది

అనుభవం ఒక బాట

ఒక రాయి ఇంకో రాయిని హత్తుకొని ముద్దాడగ

జనించిన ఉష్ణమేగా మొన్నటి మన నడకకు మూలం !

పసివాడు పారాడి పోరాడి నిలబడే శక్తి అనుభావమేగా

అదేగా పక్షిపిల్లకు తినడం నేర్పింది

మనిషి కి ఎగరడం నేర్పింది  !

అనుభవం మంచిదే

అనుభవం చెడ్డది కూడా

నిన్ను కొన్నిటికి బానిసను చేస్తుంది

భయం వదిలి భయపెట్టించే కృరున్ని చేస్తుంది !

ఆలోచనలు ఎన్ని చేసిన

అనుభవిస్తే కాని మనిషి వృద్ది కాడు

అనుభవం దారి చూపించి దరికి చేరుస్తుంది

నిలబడే శక్తినిస్తుంది !

నిశిది నడకన దివిటిగా వెలుగుతుంది !

అనుభవం శాంతినిస్తుంది

ప్రతి జీవికి ఆకలితీర్చే అక్షయపాత్ర

ఎదిగే తీగకు ఆధారమౌతుంది

నింగికి నిచ్చేనలనేస్తుంది !

ఒక అనుభవం జీవితాన్ని మార్చేస్తుంది !

కృష్ణ మణి I 27-04-2015