పదండి పోదాం

ఏమిరా !

కుక్కల్లార నక్కల్లార

పదండి పోదాం పదండి పోదాం

పోదాం పోదాం పై పైకి !

అడ్డుగ వచ్చిన లేడుల్ని

అల్లరి చేసే నేమలుల్ని

చెట్టున కూచ్చున్న పిట్టల్ని

నీటిన మునిగిన కప్పల్ని

తొక్కుతూ

రక్కుతూ

అవసరం అయితే

నరుకుతూ పాదుల్ని

తోడుతూ గుంతల్ని

పదండి పోదాం పదండి పోదాం

పోదాం పోదాం పై పైకి !

పైత్యం ఎక్కిన దున్నల్లరా

బుసలు కొట్టే నాగుల్లారా

చెరబడుదామా

నగ్నంగా పడి బొర్లుదామా

నలిపేద్దామా

శ్రామిక బడుగు చీమల్ని !

దోచుకు తిందామా

అడ్డులేని ఆకాశాన్ని

కంచె లేని అడివంతటిని

పదండి పోదాం పదండి పోదాం

పోదాం పోదాం పై పైకి !

రాజ్యం చేసే సింహం పులులు

లోకం చాటుగా మనకే అండ

ఏమయినా

తోడుగా ఉంటామని

ఫత్వా ఇచ్చిన వైనం వింటివా

ఇంకెందుకు ఆలస్యం

పదండి పోదాం పదండి పోదాం

పోదాం పోదాం పై పైకి !

దొంగ నోట్లా కొడుకుల్లారా ....

పదండి పోదాం పదండి పోదాం

పోదాం పోదాం పై పైకి !