నిరంతరం
______________కృష్ణ మణి
నిర్మలం నిరంతరం
గగనం నిత్య నూతనం
హరితం సువిశాలం
పవిత్రం ప్రాణ త్యాగం
సాహసం కర్మభూమి ఋణం !
ఉప్పొంగే రక్త వాగు నరనరాన
గర్వించే గుండె గంట ప్రతి రోశపు జీవిలోన !
పదం పదం ప్రతి పదం
కదం కదం జనం మనం !
ఎండ కాంతిని గొడుగు పట్టి
అడుగు నీటిని తోడి పోయగ
నింగి బొట్టును అదిమి పట్టి
భూతల్లికి పురుడు పోయగ
అందివచ్చును అమ్మవొడిలో
ప్రేమవోమ్పిన
నేతి ముద్ద !
కన్నుమూసిన కలలను
కన్నుగారిన ఓర్పు
నెరవేర్చును ఇంతకు అంతై !
సంకెళ్ళను తెంచిన
యాడాదికి యాడాది
అమ్మా ... నీ పిల్లలమని
ఆనందపు శ్వాస నిండగ
చేతులెత్తి మా తనువు
తలను వంచి మొక్కుతుంది !
జై తెలంగాణ ..... జై జై తెలంగాణ
జై తెలంగాణ ..... జై జై తెలంగాణ
కృష్ణ మణి
No comments:
Post a Comment