ఊహల పల్లకి

__________________కృష్ణ మణి

మలినమయిన లోకంలో సుందర స్వప్నం కోసం

చేట్టుకోమ్మపై పిట్టనై సంధ్య వేల

కరువైన చల్లని గాలిని మదిలో తలచి కునికిపాట్లు పడ్డాను !

కొమ్మల ఊపుడికి ఉయ్యాల ఊగినట్లు హాయిగా

ఊహలపల్లకిలో సాగిపోయాను

కొన్ని దృశ్యాలు అలా నా ముందునుండి కదులుతున్నాయి !

అరుణోదయాన

పచ్చని ఆకుల అలికిడి

ఆ వెచ్చని గువ్వలు

కోయిలమ్మల రాగాలు

లేడి పిల్లల గెంతులు

గుంపులుగా చేపల పరుగులు

నింగినంటిన చెట్ల గర్వపాట్లు !

అంతలో ఒక దృశ్యం నన్ను అదిలించి కదిలించింది 

ఒక కాలుష్య కాగడ ఒలంపిక్ జ్యోతిలా మండుతుంది

అడుగున ఇంధనంలా ఒక్కో చిత్రం కాగడ కర్రలోకి జారుతున్నాయి !

గూడు చెదిరిన పక్షి

నరికిన మొద్దులపై మొలిచే చిగురుటాకుకై ఎదురుచూపులు  

ఒలికిన చమురులో కోన ఊపిరితో కొట్టుకుంటున్న పక్షుల ఆర్తనాదం

ఆకులు లేని చెట్టుపై పెద్దబోజల ఆకలి చూపులు !

ఇసుక వేడికి కడుపులెండిన ఒంటెల ఎండమావుల పరుగులు

వాహనాల శబ్దాలు రోడ్డుపై మసి మేఘాలు  

ఫ్యాక్టరీ గొట్టాలు పొగలు గక్కుతూ అడుగున విషజలాన్ని చిమ్ముతుంటే

దాహపు చూపుతో దిక్కులు పట్టిన జీవజాలం !

అంతటనే జలదరింపుతో బెదిరిన కన్ను

తోలికిన ఉప్పు సముద్రం

ఆ తోలుకులో ఇంకా కొన్ని చిత్రాలు అస్పష్టంగా కదలిపోగా 

మొత్తంగా ఆ దృశ్యం మాత్రం నన్ను దోషిగా నిలబెట్టింది !   

కృష్ణ మణి