___________________కృష్ణ మణి
ఏమిటి లోకం
ఏమిటి కాలం
కరివేపాకు కట్టలు
రుచిని గొలిపే చెత్తలు !
అడుగులో అడుగేసి నడిచిన ధైర్యానికి
వీరులని
శూరులని
త్యాగాలకు మారుపెరులని
పబ్బం గడిపి
అధికారం పొందినాక
పగలబడి నవ్వడమా రాజ్యమా ! ఓ శూన్యమా !
బతుకు పోరాటంలో శ్రామికుడు ఎప్పుడు సమిధే
కాపరి సైగలకు తలదించుకొని నడిచే గొర్రెలుగా ఉండాలని హుకూం
ఎదురుతిరుగితే
లోకంలోని కష్టాలకు కారకులయ్యారీ అమాయకులు !
దిగి రాని సోమున్ని పోనివ్వండి పెద్ద మోటారు పైన
కలిసొచ్చే కాలానికి నడిసోచ్చే కొడుకని మురిసింది చాలు
అందరు చంద్ర బింబాన్ని అద్దంలో చూసుకొని మురవండయ్యా !
కృష్ణ మణి
No comments:
Post a Comment