బిస్కెట్

______________________కృష్ణ మణి

మా అమ్మను చంపారంట

బందువుల ఇంట్లో ఉన్న నన్ను కూడా పట్టుకున్నారు

అడవిలో కొన్ని రోజులు నుండి తిప్పుతున్నారు

ఒక చోటు నుండి ఇంకో చోటికి !

పాపం వంట వండలేని పరిస్తితి అనుకుంటా

ఆకలన్నప్పుడల్లా

వాళ్ళు తినే బిస్కెట్లను ఇస్తున్నారు

చాల మంచి వాల్లనపిస్తుంది !

వేడికి తట్టుకోలేక పోతున్నాను

షార్ట్ విప్పి భుజంపై వేసుకొని కూర్చున్నాను

చమటకు తగిలే కొబ్బరి చెట్ల గాలి ఎంత చల్లగా ఉందో ....

కాని చేతుల్లో పెద్ద పెద్ద గన్నులను చూస్తే భయమేస్తుంది

నేనాడుకునే విడియో గేముల్లగా

నిజమైనవి భళే ఉన్నాయి !

నాన్నను పట్టుకొని కాల్చారంట

మా నాన్న కొన్ని లక్షల మందికి ఆరాధ్యం

ఆయన కను సైగ కోసం ఎదురుచూసే వాళ్ళు

ఇప్పుడంతా ఎక్కడేల్లారో !

నాకొక అక్క

మా నాన్నలాగ చాల ధైర్యస్తురాలు

ఉద్యమంలో చాల కష్టపడింది

అందుకు బహుమాణంగా

అక్కను వివస్త్రను చేసి అవమానించి / బలత్కరించి చంపారు !

అసలు ఇలా ఎందుకు జరుగుతుంది

బాష రంగు ఒకేలా ఉన్నాయిగా

ఓహో మేము తమిళులమనా .....

నా దేశంలో నాకు స్వతంత్రం ఉండకూడదా ...?

ఇప్పుడనిపిస్తుంది

నేను నాన్నలాగ పెద్దయ్యాక

రాజ్యంపై పోరాటం చేస్తాను

నా తండ్రి ఆశయాల కోసం యుద్ధం చేస్తాను !

ఇక్కడి పెద్దాయనకు ఎదో సందేశం వచ్చిందనుకుంటా

అసహనంగా ఉన్నాడు

దాహం వేస్తుంది కొన్ని నీల్లివ్వండి

‘’ఇంకో క్షణంలో పోయేవాడివి ఎందుకురా దండగా’’

అయ్యో అదేంటి ఇందాకే తినడానికి

బిస్కెట్లిచ్చి అప్పుడే తిడుతున్నారెందుకు ?

రెండు తుపాకులు నాపై గురి పెట్టారు

టపా ... టపా ... అంటూ అయిదు అగ్ని గోళాలు

గన్నులోంచి మెరిశాయి

అవి నా యదలో దిగాయని తెలిసేలోపే .........

కృష్ణ మణి