__________________కృష్ణ మణి
నీకు నాకు మధ్య ఎదో ఉందని
నాకు నీకు మధ్య కొంత నిర్మానుషంగా గాలి
వీస్తున్నదని
ఆ గాలే మన మనసుల భావాలను ఇటు అటు మోస్తూ
మౌనంగా మన మధ్య దూరాలను చేరుపుతున్నదని తెలుసు
!
కొండపైన నీవున్నావు
నది అంచున నేనున్నాను
నీ చూపు నాపై వాలాలని కనురెప్ప వాల్చకుండ
నీకై ప్రేమ గానం చేస్తూ
చిగురుటాకుపై చినుకులా మెరుస్తున్నాను !
విరహమో ఏమో తెలియదు
నిశిరాత్రి నిద్రమాని
నీ తోడుకై వేడెక్కిన తనువుతో
బరువెక్కిన మనసుతో
నీతోడుకై వేదన పడుతున్నాను !
నిశ్చల నిర్మల సెలయేరులో
అద్దంలో చంద్రబింబంలా
నా మోము చూసి నాపై నాకు అహం కలిగి
నీకై తల ఎత్తి సిగ్గుతో తల దించి కూర్చున్నాను
!
నీవొస్తావని
భుజాలపై చెయ్యివేసి
నను లేపి నీ యదకు హత్తుకుంటావని
చిరస్మరణీయమైన ముద్దొకటి నా నుదుటిపై ఇస్తావని
క్షణాలను యుగాలుగా తలచి కాలాన్ని భారంగా మోస్తున్నాను
!
కృష్ణ మణి
No comments:
Post a Comment