ఆగిన లోకం
_____________కృష్ణ మణి
వెలుగు రాకముందే గది నిండా చీకటి కమ్ముకుంది
బద్దకించిన ఒళ్ళును లేపి కళ్ళు తెరిపిస్తే తెలిసింది
మొబైల్ చార్జింగ్ లేదని !
ఇదిగో అదిగో అంటూ
క్షణానికి ఒకపరి దిక్కులు
ఆ లైట్ వంక ఈ ఫ్యాను వంక
విసుగుతో అలసిన మనసు !
ఎవరో పలకరిస్తారని
ఎవరినో పలకరించాలని ఆరాటం
వస్తుందనీ
బ్యాటరి నింపుతుందని ఎదురుచూపు !
హడావిడిగా లోకం పరుగు పెడుతుంటే
ఖాళి అయిన నీటి కడవలా బిక్క చూపు నాది
ఇప్పుడు స్వాతి పిట్టను నేను
దాహం తీరితేగాని అడుగు ఇంటి బయట పెట్టను !
ఉదయం పది అవ్వగా
సూర్యుడు మొహాన్ని మాడ్చగా
చీకట్లో నిలుచున్నట్లు అనిపిస్తుంది
ఫోన్ మొగితేగాని
రేడియో అరిస్తే గాని
టీవీ చూస్తేగాని
తెల్లవారని లోకం !
ఇల్లు ఒక్కసారి అడవికి షిఫ్ట్ అయినట్లు తోస్తుంది
మల్లి అనాగరిక ప్రపంచానికి చేరినట్లు
భరించరాని నిస్తేజం ఆవరించింది !
ఓహ్... మొత్తానికి వచ్చింది
హమ్మయ్యా ... చార్జర్ ఎక్కడా !
కృష్ణ మణి
No comments:
Post a Comment