చేగో
______________కృష్ణ మణి
చేగో
తెగింపుకు మారు పేరు
ఎదురించడమే తెలుసు అన్యాయం ఎక్కడున్న !
చేగో
గట్టిగా బాగో అన్నాడొకనాడు
దశాబ్దాల సంకెళ్ళను తుంచడానికో అడుగు అందరి కంటే ధైర్యంగా
కనికరం లేని కసాయిల కుతంత్రాల వల చేదనకై
నడిమధ్యన గొంతెత్తి అరిచాడు జై తెలంగాణా అంటూ !
చేగో
ఎలా భరించాడో ఆ బూతు మాటలను బూటు తన్నులను
కుర్చీలు ఎగిరుతున్నాయి గుండెపై పడటానికి
ఈడ్చుకుంటూ సాగిన యుద్ధంలో
సమైఖ్యమనే జండాలకు తూట్లు పొడిచిన శూరుడు !
చేగో
నాకెందుకో నవ్వొస్తుంది
కుంగ్ఫూ హజిల్ సినిమాలో
భూమిలోకి దిగిన తలతో హీరో
చిన్నపాటి కర్రముక్క చేతబూని
విలన్ తలపై మోదినట్లు !
చేగో
ఇప్పుడు అచ్చంగా అలాంటి వాడే
ఉద్వేగంతో ఉన్న యోధుడు
తలపై కారుతున్న రక్తం ఆగినా
గుండెలో రగులుతున్న ఉప్పెన
జై తెలంగాణా .. జై జై తెలంగాణ
అంటుంటే
టీవీల ముందు రోషానికి కారిన కన్నీటి వాగులే సాక్షం !
చేగో
మనం గెలిచాము
అమావాస్య చీకట్లను బద్దలుకోట్టాము
కొనప్రాణం వరకు సాగాలి ఉద్వేగం
ఎందుకంటే మనం
బంగారు తెలంగాణ యాత్రలో చీకటి దివిటీలం !
చేగో
నీవు మరుపురాని నవ్వువి
తప్పున్నచోట పసిపిల్లోడి అల్లరివి
నిరంతరం ఈ లోకమే సర్వం
జగమంతా కుటుంబం ఉన్నా ఏకాకి జీవితం నీది
సలాం ఆత్మ బందమా !
కృష్ణ మణి
No comments:
Post a Comment