కరిగిన బందం
________________కృష్ణ మణి
చెప్తానొక కన్నీటి గాధ
నిన్నటిది మొన్నటిది ఇప్పటిది ఎప్పటిది
విన్నది కన్నది
చెప్తానొక గాధ
నిన్నటిది మొన్నటిది ఇప్పటిది ఎప్పటిది !
నిర్జీవంగా ఉన్న సజీవ బతుకుల కథ
కన్నీటి వాగులో కొట్టుకుపోతున్న కష్టాల దృశ్యమాలిక
గడచిన కాలం పువ్వులన్నీ ముల్లులుగ పొడచూపిన వ్యద
చెప్తానొక గాధ
నిన్నటిది మొన్నటిది ఇప్పటిది ఎప్పటిది !
నీకై నాకై పరచిన గుండెలు
సుకుమారంగా తన్నినాము
మురిపెమని నవ్వారు !
కసిగానే తన్నినాము
పసితనమని గునిగారు !
బాహ్యపు కొమ్ములు వాడిగ పెరగగ
మాకేవరడ్డని చూసాము
ఉడుకురక్తమని ఆగారు !
సంపద నిండగ మురిసాము
అవసరమేముందని చూసాము
కడుపులో పేగులు కదిలాయి
కన్నపేగని ఒర్చారు !
ముసలి మూలుగులని కసిరాము
ఏహ్యంగా తలతిప్పాము
బతుకుట దండగని మొక్కారు
చితిలో తోడుగ కదిలారు !
చెప్తానొక కన్నీటి గాధ
విన్నది కన్నది
నిన్నటిది మొన్నటిది ఇప్పటిది ఎప్పటిది !
కృష్ణ మణి
No comments:
Post a Comment