మాకొద్దు ఈ కష్టం మాకెందుకు ఈ నరకం అంటూ
పక్కోడిని అంటరాని వాడిగా చూస్తారు ఈ జనం !
జనంలో మనం
కనీసం మనస్పూర్తిగా ఒదార్చం
ఎందుకంటే వాడు కష్టంలో ఉన్నాడు !
ఎక్కడ వాడి పక్కనుంటే మన గొప్పలు తరుగుతాయని
ఎదురు పడినా పలకరించం
పలకరిస్తే వినపడలేదేమో అన్నట్లు అడుగులేస్తం
ఎందుకంటే వాడు కష్టంలో ఉన్నాడు !
ఫంక్షన్ లో కనిపించి భాగున్నవా అని కదిలిస్తే
బాగానే అని మొహం తిప్పి అటు చూసి,
పోతున్న వాణ్ణి పిలిచి ఏంటోయని అడుగేస్తం !
ఎందుకంటే వీడు కష్టంలో ఉన్నాడు !
కష్టం మన మతం కాదు
మన కులం కాదు
మన భాష కాదు
అది మన చెంత ఒద్దని దేవుళ్ళకి మొక్కుతం
అయ్యో అంటే మనకు అంటు కుంటదని భయం !
కష్టాలకు అనేక రూపాలు !
అది డబ్బున్న వాడిని ,లేని వాడిని
ఒకే తాటికి కట్టేస్తుంది !
ఒకరికి ఆరోగ్య సమస్య
ఇంకొకరికి ఆర్ధిక నష్టం !
ఒకరికి అవమాన బాధ
ఇంకొకరికి చదువుల భయం !
ఒకరికి తిండే కరువు
ఇంకొకరికి తిన్నదే అరగదు , అదీ కష్టమే !
మనకుండే కష్టానికి
పక్కోడి బాధను పట్టము !
కాని , మనకున్న తిప్పలు
పగోడికి రావద్దంటూ బీరాలు పోతాము !
కష్టాల కడలిలో అందరం చిక్కుతాం
ఓర్పు వహించి
నిండా మునిగినం సలి లేదు
అనే భావనలో తడవాలి
లేకుంటే భూగోళాన్ని మనమే మోస్తున్నట్లు
చేపకు నీళ్ళను మనమే తాగిస్తునట్లు
ఓదార్పు కోసం దేవుణ్ణి నిందిస్తాం
ఒడ్డు చేరక గంగలో మునిగిపోతాం !
చిరునవ్వుతో మున్దుకెల్లు తీరం దగ్గరౌతున్ది !
---కృష్ణ మణి
ee kavitanu marokasari tiragarayandi chakkagatayaroutundi. bhavam artam tegipokunda chudandi.
ReplyDelete