లేసితి పోద్దుగళ్ళ పోయితి ఉరెనకకి
పని గాన్గానే యాప పుల్ల నోటిగొంటి
బర బర తోమితి రెడ్డి భావ చూసి
ఏమోయి పిల్లగా పాసువొంగ కాననె !
సద్దితిండి మామిడికాయ తొక్కుతోని
దొడ్డి తోవ వడితి గొంగడి భుజాని కెత్తి
తోకలాడించే నా బర్లు నన్ను జూసి
దూడలగట్టి పోతి పశులతోని మేత కోసం !
ఒరాల మీద కాలువల కింద ఎన్ద్రికిచ్చల వట్ట
చిత్తలకొమ్మ కోసి పడితి పోద్దుమీకి కూర కోసం
అంతలనే ఆకలాయే అటుఓయి ఇటుఓయి
ఎల్లితాత బీడిఅగ్గి తెస్తి కాల్చితి యాటిని నా ఆకలిజంప
చెట్లకింద బర్లువండే వాటిపక్క నేనువంతి !
బాలయ్య ఒచ్చే బరిగెతోడ చేన్లవడ్డ పశులు నాఎనని
పడ్డ వాతలు చూస్కుంట చేర్లగోడితి నిల్లుతాపి ఒల్లుతోమి
దొడ్డిగోడితి ముందుగ దూడల మూతులు కట్టి !
అమ్మ నాయిన నన్నుజూసి మురువవట్టే
ఏమి చెప్పుదు నా ఒళ్ళు హూనమైనదని
చికట్ల ఇంత కూర బువ్వతింటి కన్లు ముసుకొంగ గొంగడి మీదికేస్తి !
No comments:
Post a Comment