గొల్ల కురుమలం

గొల్ల కురుమలం మేము గొల్ల కురుమలం
పల్లె పాటలా పురిటి  పూల తోటలం
ఆకలి బతుకులతో నిత్యం మండు గుండెలం !

గీతమూదిన గోపడు ఎల్లలోకములేలెను
మాలోను భేదాలు పనిని బట్టి వర్గాలు
ఎర్రగోల్ల నల్లగోల్ల పత్తి కురుమ ఉన్ని కురుమ

గోర్లు మేకలకాడ ఆవు బర్రెల తోడ
ఆటలాడుతాం మేమంతా పాట పాడుతాం !
ఎర్ర రుమాలు నెత్తి మీద
నల్ల గొంగడి ఒంటి మీద
సద్ది మూట కట్టే మీద
కట్టేనెమో భుజం మీద
టుర్ర టుర్ర అంటూ పశుల భాష నోటివెంట !

సుద్దులోలుకు మల్లన్న
శివాలెత్తె బయ్యన్న
పటాలోశే సత్తన్న
డోలుకొట్టే బాలన్న
కష్టాలే రాగాలై బతుకంతా భారాలై
ఒగ్గు ధరువుల మీద పూట కూటి పాట్లాయే !

కాళ్ళ గజ్జెలే పసిడిమెరుపు కడియాలై
చర్లకోలలే మేడలో నవరత్న హారలై
గొంగడి ముల్లె నడుముకు వడ్డానాలై
మురిసి పోవు ఎల్లన్న వీరభద్రుడై !
సాగి పోవు భోనాల తొవ్వజూపుకై  !

ఒక్కటైంది ఊరంతా బీరప్ప జాతరంట
ఊరవతల గుళ్ళు అంటా
వన పండుగ మాదంతా !
సంబరాల సాయంత్రం సందడెంతో వైభోగం !
భండారి జల్లులో శివసత్తుల సంగమం !
ఒగ్గు కథలతో మురిసి రాత్రంతా జాగారం !

గొల్లకొండ మీద అక్కన్న మాదన్నలం
ఆనాటి ఈ కొండే ఈనాటికి మా జాతర !
సదరు పండగ వచ్చే దున్నపోతుల పోటే
గడ్డం మీసం తిప్పుడు పహిల్వాన్ పౌరుశాలు  !
అగసుడు తీనుమార్ ,ఇటుసుడా పోతులాట !
ధూం ధామ్ ధూం ధామ్ ధూం ధామ్  దిమ్కిటిక దిమ్కిటిక
ధూం ధామ్ ధూం ధామ్ ధూం ధామ్  దిమ్కిటిక దిమ్కిటిక
ధూం ధామ్ ధూం ధామ్ ధూం ధామ్  దిమ్కిటిక దిమ్కిటిక