మదిలో మెరుపు

పిల్లల అల్లరి గెంతులు
చెరువుల చాపల పరుగులు !
నీటి మెరుపులా అందాలు
వెలిగిన తోర్రోల్ల మొహాలు !

తడిసిన చెడ్డి
ఆరని జుట్టు
చెవుల ముందు సాకలతో
కర్ర చేతబట్టిన గాలాలు
ఎదురు చూపుల కడుపులు !

దగ్గర ఒదిగిన మబ్బులు
పక్షుల అరుపుల బెదురులు
బెత్తర బోయిన కన్నులు !

అందిన కాడికి మూటలు
పిడుగుల కందని అడుగులు
చెట్లపందిరి చేరిన ధీరులు !
చినుకుల జల్లులో వణుకులు
తొనికిన పెదవులు కోతలు
ఇరగబడి పూసిన నవ్వులు !

రావని తెలిసిన రోజులు
మదిలో కురుసేను కాంతులు !