చిన్న మనసు

*************

అగసూడు అగసూడు అందమైన అంగడి

అమ్మకొంగు వట్టుకొని అడుగు మీద అడుగేస్తి

సంచివట్టి అమ్మ నింపె వారందాక కడుపులు !

దిక్కులు వట్టి నా మొకం మెరిసిపోతి మనసున

నెత్తిమీద టోంగ గొట్టి అమ్మగుంజె ముందుకు !

శనగ పల్లీలు తెల్లమురుకు పెద్ద పాపడ

కడుపుగోకి అడిగిన ఓపలేక పానము

చిల్లర సదిరి ఇప్పిచ్చే కారం బఠానీలు

దవడలు గుంజె ,కడుపు నిండె

అయినా మనసు నిండలేదు !

పక్కపోరడు నాకవట్టె పాల ఐస్క్రీం

కారే చుక్కల వట్టి సప్పరిద్దమంటె

ఉరిమురిమి సూడవట్టె పిల్లిమొకపోడు !

నెత్తిమీద సంచెత్తి ఎడమచేతిల నన్నుపట్టి

నడసవట్టే మాయమ్మ

జాతర దాటి ఇంటికి తోవ్వవడితే నడవనంది పానము !

అంగట్ల నడవనంటె మల్ల వారం తోల్కరాదని

బిగవట్టిన చెమ్మ తుడిషి

అమ్మ చేతినదింపట్టి ప్రేమతోడ అడుగులు !

కాళ్ళు గుంజంగ ఇల్లు జేరితి

దూపకు చెంబెత్తి దించితి

సాప మీద కాళ్ళు సాపుకుంటే  

ఒళ్ళు మరిశిన నిద్దురాయే !

కృష్ణ మణి I 23-04-2014

బలిరాజు

__________________కృష్ణ మణి

హోటల్ ముందు చేతులెత్తిన ఎండిన మొహంతో పసి మొగ్గ

చిల్లర జల్లెడలో చిన్నబోయిన చిట్టికన్నులు

పసితనపు ఛాయలు మరచిన బతుకుజీవి

బతుకు కోసం బతుకుతూ

బతుక నేర్చిన అతుకుల చెడ్డి  !

గుడి మెట్లు నాయేనంటాడు

దర్గా మెట్లు నాయేనంటాడు

నలుగురు కలిసే చోటు ఏదైనా

కల్మషం లేని బిక్కచూపుతో !

ఆకలికేకల ఆరాటం

చిల్లర అలికిడితో చిద్విలాసం

నెత్తిన పేనుల పరుగులు

చేయ్యిచాచి బతిమాడు అడుగులు !

నిండిన రోజున మహారాజు

ఎండిన రోజున బలిరాజు

కులం మతం ఎరుగని కుసుమం

భాష వేశం తెలియని కనకం !

నాకెవరు లేరని చింతరాని చిరుప్రాయం

అందరూ నావారని కుక్కలతో సహవాసం

చిల్లర అందిన క్షణాన దిగులు మరచినవైనం

నడిరోడ్డుపై కళ్ళముందు కరుగుతున్న బాల్యం !

కృష్ణ మణి I  09-06-2014 

బంతిపూల వెలుగు

బంతిపూల వెలుగు

____________________కృష్ణ మణి

బతుకమ్మ ఆటల బంతిపూల జాతర

పసుపు కుంకుమలతో పోతురాజుల రంగేళి

జానపదుల కోలాటం అచ్చ తెలుగు విన్యాసం

పౌరుషాల పురిటిగడ్డ విప్లవాల పోరుగడ్డ !

నైజాము సర్కారుకు నిద్రమాన్పిన తుపాకులు

కర్కష రజాకార్ల కత్తులపై జారిపడిన వీర చరిత

ఖ్యాతిని అదిమిపట్టిన కుసంస్కారుల బాగోతం

మండే సూర్యున్ని అరచేతిన ఆపగలేని నిస్తేజం !

గలమెత్తిన కవిగాయక సబ్బండ జాతుల బాణాలు

త్యాగాలకు మచ్చుతునక తెలంగాణా పోరు బిడ్డ  

ఢిల్లీ ని వణికించి కరిగించి సాదించిన ఉద్యమం

నవతరానికి కొత్త పాఠం భోదించిన ఈ విజయం !

ఘనమైన ఈ గాధ లోకానికి దిక్సూచి

స్వరాష్ట్రంగా అవతరించి నిలుపుకుంది ఆ కీర్తి

ఉజ్వలమవు ఈ రాష్ట్రం నలు దిశల పేరు పొందు

సెలయేరుల పరుగులతో పచ్చగుండు ఈ ప్రాంతం !

బంతిపూల వెలుగు ____________________కృష్ణ మణి బతుకమ్మ ఆటల బంతిపూల జాతర పసుపు కుంకుమలతో పోతురాజుల రంగేళి జానపదుల కోలాటం అచ్చ తెలుగు విన్యాసం పౌరుషాల పురిటిగడ్డ విప్లవాల పోరుగడ్డ ! నైజాము సర్కారుకు నిద్రమాన్పిన తుపాకులు కర్కష రజాకార్ల కత్తులపై జారిపడిన వీర చరిత ఖ్యాతిని అదిమిపట్టిన కుసంస్కారుల బాగోతం మండే సూర్యున్ని అరచేతిన ఆపలేని నిస్తేజం ! గళమెత్తిన కవిగాయక సబ్బండ జాతుల బాణాలు త్యాగాలకు మచ్చుతునక తెలంగాణా పోరు బిడ్డ ఢిల్లీ ని వణికించి కరిగించి సాదించిన ఉద్యమం నవతరానికి కొత్త పాఠం భోదించిన ఈ విజయం ! ఘనమైన ఈ గాధ లోకానికి దిక్సూచి స్వరాష్ట్రంగా అవతరించి నిలుపుకుంది ఆ కీర్తి ఉజ్వలమావు ఈ రాష్ట్రం నలు దిశల పేరు పొందు సెలయేరుల పరుగులతో పచ్చగుండు ఈ ప్రాంతం !

దేవుడా

______________________కృష్ణ మణి

ఏమిరా దేవుడా

నరకాన్ని పెంచినవు

స్వర్గమెక్కడ దాషినవు ?

నువున్నావో లేవో తెల్వదు కాని

ఆడుండని ఈడున్నడని

రాతి బొమ్మలో అన్నడని

కాదు దర్గాలో చెద్దరు కిందని

కాదు  జీసస్ క్రాసులో అని !

ఇంతకీ నువ్వెకడరా తండ్రి ?

మనషుల ముంగల రావు

ఏది నిజమో చెప్పవు

పరెషాన్ చేస్తున్నవ్ పాగల్ గాళ్ళను !

ఎవరిని నమ్మాలే ?

ఏ తొవ్వల పోవాలె ?

అసలు ఎక్కడికి పోవాలె ?

ఆది అంతం లేనోడివంట

రంగు రూపం లేదంట !

పుట్టించినవు నడిపిస్తున్నవు సంపెస్తున్నవు

ఏం ఆటలా ?

నువ్వేమన్న పచ్చీసు అడుతున్నవా ?

లేక చెస్సు ఆటనా ?  

జంతులకు లేని బేదాలు మనషులకేందుకో ?

అవింక నయం ఆకలి పోరు తప్ప అంకారం లేదు

ఒకనికోకనికి పడకుండా జేస్తున్నవు

ఎవరిని గెలిపించనీకే ?

ఎవనిమీద కోపం ?

బయటికొచ్చి బాజాప్త జెప్పు ?  

కృష్ణ మణి I 11-06-2014 

14 ఆగస్ట్

(14 ఆగస్ట్ ఎలా జరుపుకుంటారు ? అని అడిగిన విలేఖరితో ఓ పాకిస్తాన్ మహిళ చేసిన ఉద్వేగ పూరిత ప్రసంగం .

తర్జుమా చేసి స్కెచ్ కవితగా మార్చే ప్రయత్నం చేశాను )

14 ఆగస్ట్

________________కృష్ణ మణి

విలేఖరి :14 ఆగస్ట్ ఎలా జరుపుకుంటారు ?

14 ఆగస్ట్ నాకు గుర్తు లేదు

ఎలా జరుపుకుంటాం ?

ఆ అవును జరుపుకునే వాళ్ళం ఒకప్పుడు 

ఇప్పుడు శవాలను మోస్తున్నాం

ఇప్పుడంతా ఈ ప్రాంతంలో ఇక్కడ కాకపొతే పక్క వీధిలో

అరుపులు కేకలు వింటున్నాం

తెలుస్తది రోడ్డుపై ఎవరో చనిపోయారని

వినవస్తది ఇక్కడ ఎవరో ఎవరినో చెంపెసినట్టు

కేవలం ఇదే జరుపుకుంటున్నాం ఇప్పుడు !

కేవలం ప్రభుత్వ వైఫల్యాల అగౌరవ సంబరాలు చేసుకుంటాం

ఇక్కడ ఆకలితో నగ్నంగా పడిఉన్నారు జనాలు !

వాళ్ళు ఆకాశంలో చక్కర్లు కొడుతుంటారు

అదే జరుపుకుంటాం ఇక్కడ , ఇంకా జరుపుకోవడానికి ఏముంది ?

ఎక్కడి స్వతంత్ర దినోత్సవం ?

అవును వాళ్ళు జరుపుకుంటారు

ఎవరి వారైతే తనువు చాలించారో ముందుగా

అన్ని దుఖాలనుంచి అన్ని కష్టాలనుంచి స్వతంత్రులైనందుకు

దేవునికి ప్రియమైనందుకు !

పాకిస్తాన్ ఇందుకోసం తయారు చెయ్యలేదు తమ్ముడూ

చెప్పండి వాళ్లకు ఎవరైతే హాయిగా తిరుగుతున్నారో

చాల గొప్పగా నగ్న హృదయాలతో  

వారికి ఏమి పట్టదు ఏం జరుగుతుందో ? ఏం చేస్తున్నారో ?

అందరు చావాలి  అందరు పోవాలి ఒకరోజు !

పాత్రికేయుడు :ఆ రోజు ఏదైనా దేవునికి దీపం వెలిగించడం లాగా .....

ఎలాంటి దీపం వెలిగించను ? ఎందుకు వెలిగించను ?

నా తోటి వారి ఇండ్లలో శవాలు లేస్తుంటే

అసలు ఏమని జరుపుకొను ?

చుట్టుపక్కల మంచిగా ఉండి , జనులెవరు ఆకలితో చావకుంటే

మన భోజనం మంచిగనిపిస్తుంది కదా .

వాళ్ళు చేసుకుంటారు ఎవరికైతే మనసు ఉండదో

మనసున్న వాళ్ళం మావల్ల కాదు !

పాత్రికేయుడు : స్వతంత్రం .......

మల్లి స్వతంత్రమంటారు

ఇక్కడ మనషులు వరదల్లో కొట్టుకుపోతున్నారు

ఇక్కడ జనం నడిరోడ్లో బాంబు పేలుల్లకి శవాలవుతున్నారు

విలేఖరి  :అలా కాదు మీరు ఒకసారి పాకిస్తాన్ జిందాబాద్ అనండి  

పాకిస్తాన్ జిందాబాద్గానే ఉంటుంది మనమున్న లేకున్న ఖాళి ప్రాంతంగా

ఈ ప్రజలు దిన దినగండంగా పోతునే ఉంటారు !

కృష్ణ మణి I 28-05-2014

  

నా ఏడుపు

____________________________కృష్ణ మణి

ఆకాశం అట్లనే ఉంది మొన్న జూసినట్లు

చుక్కలు మెరుస్తునే ఉన్నయి

తెప్పలు తిరుగుతునే ఉన్నయి

కాని పచ్చని పంట పొలాల నా ఊరు

ఇప్పుడు పట్నమై ఏడుస్తుంది !

నాగరికత నా చెట్లను మింగింది

నా నేలను మింగింది

నా గాలిని గలీజ్జేసింది

కంపనీల మన్నువడ నీళ్ళను మింగి ఇషమిడుస్తుంది

రుపాయిబెట్టి నీళ్ళు తాగితే పానమంత కలకల !

అడుగున గుంత కొట్టి ఆకాశానికి మెట్లుగట్టినట్లుంది

ఆకరికి పక్షుల జాగలనుగిట్ల కబ్జా చేసిన్రు

ఇప్పుడు నా ఊరిల అడుగు పెడ్తలేను

మీద పర్శిన సిమెంటు రోడ్డు మీదే

మిషీను ఉందని సంకలుగొడుతున్రు

కరెంటు కనుమరుగైతెగాని కండ్లు తెర్వరీ పిచ్చికాకులు !

బర్లను తోలుకుదిరిగిన రోజులకేమాఎనో

మ్యాకలు గొర్లు గోడ దుంకి ఏండ్లు గడుస్తున్నయి

సుద్దమంటే జూపార్క్ పోవలెనేమో

భూములకు రెక్కలొచ్చి జీవుల డొక్కలు దేలినయి

ఇప్పుడు కప్పలు కూడా కండ్లవడ్తలేవు

ఎడ్లబండి కనిపిస్తే వింతగ సూస్తున్రు మా పిల్లలు !

నీళ్ళు లేక బోర్ల పోక్కలెండేకాడికొచ్చింది లోకం

ఆప్పట్ల ఏడ సూడు బొందలల్ల అద్దం ఉంటుండే

వాగోస్తే పర్కపిల్లల ఏట ఉంటుండే

సలోస్తే చిత్తలకాయల కాల్చుడు ఉంటుండే

ఎండొస్తే తాటిముంజల ఆకలున్టుండే !

నడూర్ల కూసోని మంచి చెడ్డ మాట్లాడుతుండే

ఇప్పుడు ఎవడన్న కూసుంటే ఎక్కిరిస్తున్నరు

కాముని కాల్చేకాడ కరువైన జనాలు

గణేశులకాడ భజనలు చేసి శానోద్దులైతుంది

పాడుదమంటే పక్క పాడేటోడు గతిలేడు !

గతిలేని గావరాలా మరి బలిషిన బలుపా

ఊర్ల మనషుల్ని కల్వాలంటే బోనాలకో లేక బతుకమ్మకో

అదిగూడ ఇంకెన్ని రోజులో సూడాలే !

 

కృష్ణ మణి I     06-06-2014 

తెలంగాణా

డోలు తాళం కాలి గజ్జే గంతులేస్తు ఉన్నయి

నడూర్ల డప్పులన్ని గుంపుగడుతున్నయి

తమలబాజ టక టకమని తాలమేస్తున్నది

బ్యాండుగోట్టే చేతికర్ర తీన్మారాడుతున్నది

ఊరువాడా నోరునోయ్యా తెలంగాణా అన్నది జై తెలంగాణా అన్నది

పల్లెనిండా పోరుగాలి సల్లవడ్డానన్నది

కండ్లనీరు ఆరవెట్టి దమ్ముదీయమన్నది

ఎడసుడు చేట్టుచేమ నీల్లందుకుంటమన్నయి

రేపోమాపో చిగురు పెట్టి చింతదీరుస్తమన్నయి

గుట్టాపుట్టా నోరునోయ్యా తెలంగాణా అన్నది జై తెలంగాణా అన్నది

పట్నం కోటల దుమ్ము జారి అడుగుబడతానన్నది

వెలుగు బుగ్గల పాత గుర్తులు కొత్తగ మెరుస్తున్నయి

కండ్లనిండా వెలుగు చూసి పువ్వులు నవ్వుతున్నయి    

అమరవీరుల కన్నకలలు నెరవేరి ఆడుతున్నయి

పట్నంకోటలు నోరునోయ్యా తెలంగాణా అన్నది జై తెలంగాణా అన్నది