అక్షరం – ఆయుధం
_________________కృష్ణ మణి
కుబుసాన్ని ఇడువుమంటే
ప్రసవ వేదనే అవుతుంది అహానికి
అక్కడ పుట్టేది ప్రేమ కాదు
మళ్ళీ అహమే !
అహం చావని గుణాలు మసలుతాయి
గొడ్ల చావడిలో దోమలా
అక్షరం ఎత్తిన బడుగులు
రాజ్యం ఎరిగి
కవాతులు చేస్తూ కస్సుమంటుంటే
బుస్సుమని తాచులు
మెల్లగా మాటేసి కాటేస్తున్నాయి !
ఇప్పుడు
చర్యకు ప్రతి చర్య భౌతికమే
మానసికం కాదు
ఎదిగిన తలలు
ఒదిగిన తలలకు అక్షరాలను ఆయుధంగా ఇవ్వాలి
కత్తులు కక్షలు కాదు మిత్రమా...!
అప్పుడు ఆహాలన్నీ దిగి ఆలింగనం చెయ్యక తప్పదు
కృష్ణ మణి
No comments:
Post a Comment